უკრაინის პრემიერ-მინისტრი დენის შმიგალი აცხადებს, რომ ქვეყანაში კორონავირუსთან დაკავშირებით დაწესებული კარანტინის რეჟიმი, შესაძლოა, 22 მაისის შემდეგაც გახანგრძლივდეს, - ამის შესახებ ინფორმაციას უკრაინული მედია ავრცელებს.

„დიდი ალბათობით, ჯანდაცვის მსოფლიო ორგანიზაციის მონაცემებზე დაყრდნობით, კარანტინი გახანგრძლივდება,“ - აღნიშნა პრემიერ-მინისტრმა.

მისივე თქმით, კარატინის რეჟიმის გახანგრძლივების მიუხედავად, ხელისუფლება დაწესებული შეზღუდვების ეტაპობრივად შემსუბუქდებას დაიწყებს, თუკი მას ამის საშუალებას ქვეყანაში არსებული სიტუაცია მისცემს.

შეგახსენებთ, უკრაინაში საყოველთაო კარანტინი 11 მარტს, 24 აპრილამდე დაწესდა, თუმცა მოგვიანებით 11 მაისამდე გახანგრძლივდა, 4 მაისს კი ხელისუფლებამ კარანტინის 22 მაისამდე გაგრძელების გადაწყვეტილება მიიღო.

ცნობისათვის, ბოლო მონაცემებით, უკრაინაში კორონავირუსის 12 700-მდე შემთხვევაა დადასტურებული, დაღუპულია 316 ადამიანი.