დღეიდან ქუთაისში ინფრასტრუქტურულ პროექტებზე მუშაობა განახლდა

ქვეყანაში კორონავირუსის პანდემიის გამო დაწესებული შეზღუდვების შემსუბუქების ამ ეტაპზე, უწყებათაშორისი საკოორდინაციო საბჭოს გადაწყვეტილებით, ნებადართულია ინფრასტრუქტურული და სამშენებლო სამუშაოები, შესაბამისად, ქუთაისშიც გაგრძელდება მუშაობა ყველა იმ ინფრასტრუქტურულ პროექტზე, რაც დაგეგმილი და დაწყებული იყო ვირუსის გავრცელებამდე,- ამის შესახებ “ინტერპრესნიუსს” იმერეთში სახელმწიფო რწმუნებულის პრესსამსახურიდან აცნობეს.

მათივე ცნობით, იმერეთში სახელმწიფო რწმუნებულმა ზვიად შალამბერიძემ და ქუთაისის მერის მოვალეობის შემსრულებელმა დავით ერემეიშვილმა ნინოშვილის ქუჩის მე-19 ჩიხში, ბესიკის და ბერი თევდორეს ქუჩებზე მიმდინარე სამუშაოები დაათვალიერეს.

ზვიად შალამბერიძის თქმით, დღეიდან ყველა კომპანიას შეუძლია, ინფრასტრუქტურული სამუშაოები განაახლოს.

„ყველა კომპანიას მივცემთ საშუალებას, იმუშაოს ერთი პირობით, მათ უნდა შეასრულონ ყველა რეკომენდაცია, რაც არის ჯანდაცვის სამინისტროს მიერ გაცემული. მათ მუშაობას ყველა ეტაპზე გააკონტროლებენ შესაბამისი სამსახურები, რომელიც დააკმაყოფილებს პირობებს, მუშაობის გაგრძელება შეეძლება", - განაცხადა ზვიად შალამბერიძემ.

ქუთაისის მერის მოვალეობის შემსრულებლის დავით ერემეიშვილის თქმით, სამუშაო პროცესები ყველგან რეკომენდაციების დაცვით წარიმართება.

„ეს უმნიშვნელოვანესი ეტაპია, რომელიც ფრთხილად და ამავე დროს, ეფექტურად უნდა გავიაროთ, რათა ადამიანების სიცოცხლესა და ჯანმრთელობას, ასევე ქვეყნის ეკონომიკასაც მინიმალური ზიანი მიადგეს“, - აღნიშნა დავით ერემეიშვილმა.

უწყების ინფორმაციით, ქუთაისში პირველ ეტაპზე სამუშაოები იმ ინფრასტრუქტურულ პროექტებზე განახლდა, რომელიც რეგიონული განვითარების ფონდიდან ფინანსდება.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს