მარინა ეზუგბაია - კვლავ ერთი მძიმე პაციენტი გვყავს, პროგნოზს ჯერჯერობით ვერ გეტყვით იმიტომ, რომ არანაირი სტაბილიზაცია არ გვაქვს, გაუმჯობესებაზე ლაპარაკი საერთოდ არ არის

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული 6 ახალი პაციენტიდან 2 ბოლნისის კლასტერს უკავშირდება, 2 ზუგდიდის, 2 კი საკარანტინო სივრციდანაა.

როგორც ეზუგბაიამ ჟურნალისტებს განუცხადა, დღეს მათ ახალი პაციენტი არ მიუღიათ.

რაც შეეხება ინფექციურში მოთავსებულ კრიტიკულ პაციენტს, მისი თქმით, მდგომარეობის სტაბილიზაცია კვლავ ვერ ხერხდება.

„6 ახალი პაციენტიდან 2 ბოლნისის წყაროა, 2 ზუგდიდის და 2 არის საკარანტინო სივრციდან, ანუ ყველას წყარო ცნობილია. ისინი მოთავსდნენ სხვადასხვა კლინიკაში და უტარდებათ მკურნალობა. ჩვენთან 56 პაციენტი წევს ამ ეტაპზე, აქედან 2 არის შესაძლო შემთხვევა, რომელსაც ჩაუტარდება ტესტირება და გაირკვევა მათი მდგომარეობა, 54 გვყავს დადასტურებული შემთხვევა, 29 გამოჯანმრთელებულიდან 4 პაციენტი ჩვენია. მძიმე პაციენტებიდან გვრჩება კვლავ ის 1 კრიტიკული პაციენტი, ხანდაზმული პაციენტი, მას აქვს ძალიან მძიმე პნევმონია და თანარსებული ორი მძიმე დაავადება - შაქრიანი დიაბეტი და ძნელად სამართავი ჰიპერტონული დაავადება. პროგნოზს ჯერჯერობით ვერ გეტყვით იმიტომ, რომ კლინიკური მდგომარეობისა და ლაბორატორიული ტესტების შედეგებით, არანაირი სტაბილიზიაცია არ გვაქვს, გაუმჯობესებაზე ლაპარაკი საერთოდ არ არის. 7 პაციენტი გვყავდა მძიმე პნევმონიით, ამ პირებთან არ მოხდა დაავადების პროგრესირება, სტაბილური იყო და პირიქით, გაუმჯობესება დაიწო, გვრჩება ამ ეტაპზე მხოლოდ 2 პაციენტი მძიმე პნევმონიით”, - განაცხადა ეზუგბაიამ.

იხილეთ ვიდეო: კვლავ ერთი მძიმე პაციენტი გვყავს, პროგნოზს ჯერჯერობით ვერ გეტყვით - მარინა ეზუგბაია

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის