ალექსანდრე მოწერელია - ფოთის პორტში 6 ათასი ტონა ხორბალი შემოვიდა

ფოთის პორტში 6 ათასი ტონა ხორბალი შემოვიდა ,- ამის შესახებ „ინტერპრესნიუსს“ სამეგრელო-ზემო სვანეთის სახელმწიფო რწმუნებულის პრესსამსახურიდან აცნობეს.

მათივე ინფორმაციით, ,,ბევრილი ჯგუფი“ ხორბლის მარაგის გაზრდას უახლოეს პერიოდში კიდევ 12 ათასი ტონით გეგმავს, კომპანიამ ჯამში 18 ათასი ტონა ხორბალი შეიძინა.

,,ბევრილი ჯგუფი“ პურის ფქვილთან ერთად, პურპროდუქტებს აწარმოებს. საგანგებო მდგომარეობის მიუხედავად კომპანია 24 საათიანი დატვირთვით, შეუფერხებლად მუშაობს. კომპანია სახელმწიფო სუბსიდირების პროექტში მონაწილეობს და პროდუქციაზე ფასი არ გაუზრდია.

საწარმოო პროცესს და არსებულ მარაგებს სამეგრელო-ზემო სვანეთის სახელმწიფო რწმუნებული ალექსანდრე მოწერელია, ფოთის მერთან გოჩა კურდღელიასთან ერთად ადგილზე გაეცნო.

კომპანია პურის ფქვილით მთელს საქართველოს ამარაგებს. გარდა ამისა ყოველდღიურად აცხობს 10 სახეობის 27 ათას ცალ პურს, 11 სახეობის ფუნთუშეულს, 16 სახეობის ორცხობილას. საწარმოო პროცესში ყოველდღიურად 250 ადამიანია დასაქმებული, კომპანია ითვალისწინებს ჯანდაცვის სამინისტროს რეკომენდაციებს. ,,ბევრილი ჯგუფმა" სოციალური პასუხისმგებლობის კამპანიის ფარგლებში კოვიდ19-თან ბრძოლის ფონდში 100 ათასი ლარი გადარიცხა.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს