კამპანია “გავუფრთხილდეთ წყალს“ გორის საჯარო სკოლების მოსწავლეების მონაწილეობით დისტანციურად გრძელდება

საგანმანათლებლო კამპანია “გავუფრთხილდეთ წყალს”, რომელიც გასული წლის ოქტომბერში დაიწყო, გორის საჯარო სკოლების მოსწავლეების მონაწილეობით დისტანციურ რეჟიმში, სხვადასხვა აქტივობით გრძელდება. ამის შესახებ “ინტერპრესნიუსს” რეგიონული განვითარებისა და ინფრასტრუქტურის სამინისტროდან აცნობეს.

მათი ცნობით, წყლის რაციონალურად მოხმარების თემაზე ქალაქ გორის საჯარო სკოლის მოსწავლეებმა ნამუშევრები შექმნეს.

“კამპანიის ფარგლებში ბავშვები წყლის თემატიკაზე საინფორმაციო-შემეცნებით ვიდეო რგოლებს ამზადებენ, ქმნიან თემატურ ნამუშევრებს და შემდგომ, პროექტის ფარგლებში შექმნილ სხვადასხვა ონლაინ პლატფორმაზე ათავსებენ. პროექტი გაეროს განვითარების პროგრამისა (UNDP) და გლობალური გარემოს დაცვითი ფონდის (GEF) მხარდაჭერით, გაერთიანეული წყალმომარაგების კომპანიასთან თანამშრომლობით მიმდინარეობს და მასში ქალაქ გორის 12 საჯარო სკოლაა ჩართული. პროექტს არასამთავრობო ორგანიზაცია “გარემო და განვითარება” ახორციელებს.

პროგრამის ფარგლებში გასული წლის დეკემბერში მოეწყო სასწავლო ტურები წყლის სათავე ნაგებობებზე, ჩატარდა შემეცნებითი და საგანმანათლებლო გაკვეთილები სკოლებში, სადაც მოსწავლეები წყლის რესურსების რაციონალურად გამოყენების აუცილებლობას გაეცნენ. პროექტის მიზანია, როგორც სამოქალაქო საზოგადოების როლის გაძლიერება წყლის რესურსების მართვის პროცესში, ასევე ახალგაზრდების წახალისება გარემოსდაცვით პროექტებში”, - ნათქვამია ინფორმაციაში.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება