საგარეჯოს „ჯეო ჰოსპიტალსის“ ექთანს კორონავირუსზე კვლევას უტარებენ, - აღნიშნულის შესახებ „ინტერპრესნიუსს“ კლინიკის დირექტორმა დავით ჯიქიამ განუცხადა.
როგორც ჯიქია აღნიშნავს, მედდის მდგომარეობა საეჭვოდ მიიჩნიეს, რის გამოც მას ანალიზებს უღებენ.
„საბოლოო პასუხი ჯერ მიღებული არ მაქვს და როცა დადასტურებულად მექნება, მოგახსენებთ. ის ჩვენი თანამშრომელია, ამ წუთას საეჭვო შემთხვევად მიიჩნევა და კვლევის პროცესი მიმდინარეობს. ჩვენ „ცხელების ცენტრი“ ვართ და ყველა თანამშრომელი გეგმურად იტესტება, შემდეგ დაავადებათა კონტროლის ცენტრი საეჭვო შემთხვევებზე განმეორებით კვლევას იწყებს. ეს ადამიანი ჯერ კვლევის პროცესშია“, - განაცხადა ჯიქიამ.