მარინა ეზუგბაია - კორონავირუსის 8 ახალი შემთხვევიდან ყველას წყარო ცნობილია, 4 კარანტინის სივრციდან არის, დანარჩენი კი კონტაქტები არიან

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, გუშინ იყო პირველი დღე, როცა ინფექციურში მოთავსებულ კრიტიკულ პაციენტთან დაავადების პროგრესიება არ შეიმჩნეოდა, თუმცა კვლევების შედეგით, მისი სტაბილიზაცია მაინც ვერ ხერხდება. ეზუგბიას განცხადებით, ის კვლავ კრიტიკულ პაციენტად რჩება.

ამასთან, მისივე თქმით, იმ პაციენტის მდგომარეობა, რომელსაც მძიმე პნევმონია აქვს, გაუმჯობესდა.

„8 ახალი დადასტურებული შემთხვევიდან ყველას წყარო ცნობილია, 4 კარანტინის სივრციდან არის, დანარჩენი კონტაქტები არიან. ჩვენს ცენტრში არ მოთავსებულა ახალი დადასტურებული პაციენტი და გვყავს 44 დადასტურებული შემთხვევა, აქედან უცვლელია ჩვენი პაციენტების სტატუსი, ანუ მათი ზოგადი მდგომარეობა. ერთი კრიტიკული პაციენტია, მასთან დაკავშირებით შეგვიძლია ვთქვათ, რომ გუშინ პირველი დღე იყო, როცა დაავადების პროგრესირება არ შეიმჩნეოდა, თუმცა კვლევების შედეგებით ჯერჯერობით, პროცესის სტაბილიზაცია ვერ მივიღეთ, ამიტომ პროგნოზირება შეუძლებელია, რომ გამოვთვალოთ, მაინც კრიტიკული პაციენტია. კვლავ ერთი გვყავს მძიმე პნევმონიით პაციენტი, რომლის მდგომარეობაც გაუმჯობესებულია და ისიც ალბათ გადაინაცვლებს საშუალო სიმძიმის პაციენტთა რიცხვში”, - განაცხადა ეზუგბაიამ.

მისივე თქმით, ინფექციურში მოთავსებული 11 მოზარდიდან 5 გამოჯანმრთელდა და მკურნალობას 6 აგრძელებს, რომელთა მდგომარეობაც დამაკმაყოფილებელია.

„დანარჩენი პაციენტები გვყავს საშუალო და მსუბუქი მდგომარეობის. მოზარდები გვყავდა 11, დატოვა 5-მა პაციენტმა და გვყავს ახლა 6 მოზარდი, მათი მდგომარება დამაკმაყოფილებელია. ამ 13 ახალი გამოჯანმრთელებული შემთხვევიდან 3 ჩვენი გამოჯანმრთელებულია, ჩვენს ცენტრს უკვე 82 გამოჯანმრთელებული პაციენტი ჰყავს”, - აღნიშნა ეზუგბაიამ.

იხილეთ ვიდეო: კორონავირუსის 8 ახალი შემთხვევიდან ყველას წყარო ცნობილია - მარინა ეზუგბაია

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა