საქართველოს ტექნიკური უნივერსიტეტის რექტორი დავით გურგენიძე, უნივერსიტეტის ადმინისტრაცია, პროფესორ-მასწავლებლები და თანამშრომლები ახალი კორონავირუსის წინააღმდეგ სოლიდარობის აქციას შეუერთდნენ და მაისის დასაწყისში StopCoV ფონდში 35 000 ლარზე მეტი გადარიცხეს. ამის შესახებ „ინტერპესნიუსს“ საქართველოს ტექნიკური უნივერსიტეტის საზოგადოებასთან ურთიერთობის დეპარტამენტიდან აცნობეს.

როგორც ტექნიკურ უნივერსიტეტში განმარტავენ, უნივერსიტეტი StopCoV ფონდში შენატანებს მომავალ თვეებშიც განახორციელებს.

„საქართველოს ტექნიკური უნივერსიტეტი, სოციალური პასუხისმგებლობიდან გამომდინარე, StopCoV ფონდთან თანამშრომლობას მომავალ თვეებშიც აქტიურად გააგრძელებს. საქართველოს ტექნიკური უნივერსიტეტი, ასევე, მზადყოფნას გამოთქვამს, ნებისმიერ საჭირო შემთხვევაში, კოორდინირებულად ჩაერთოს ახალი კორონავირუსის პანდემიის წინააღმდეგ დაგეგმილ ორგანიზებულ საქველმოქმედო თუ სოციალურ ღონისძიებებში,“- აღნიშნულია ტექნიკური უნივერსიტეტის მიერ გავრცელებულ ინფორმაციაში.