აჭარაში კორონავირუსისგან გამოჯანმრთელებულთა რაოდენობა გაიზარდა. აჭარის ჯანდაცვის სამინისტროს ინფორმაციით, ორ პირს, რომელიც ე.წ. ქობულეთის კლასტერს მიეკუთვნებოდა, საკონტროლო ტესტის შედეგად კორონავირუსი არ დაუდასტურდა. სამინისტროს ცნობით, აღნიშნული პაციენტები თბილისსა და ქუთაისის კლინიკებში მკურნალობდნენ. საერთო ჯამში, აჭარაში კორონავირუსისგან 42 ადამიანი გამოჯანმრთელდა.
ბათუმის "ცხელების ცენტრში" 30 პირის ლაბორატორიული კვლევის შედეგებს ელოდებიან. მათ სინჯები უკვე აუღეს და კვლევის შედეგები დღის ბოლოს გახდება ცნობილი.