მარნეულის მუნიციპალიტეტის მერის ზაურ დარგალის განცხადებით, მარნეულში კორონავირუსის ახალი შემთხვევა აღარ გამოვლენილა. როგორც „ინტერპესნიუსს“ მერმა განუცხადა, ბოლოს აღებულ 962 ნიმუშზე pcr კვლევის შედეგად 700 შემთხვევაში, პასუხები უარყოფითია.
„როგორც იცით, მარნეულში მოსახლეობის pcr კვლევები ტარდებოდა, ჩვენი მონაცემებით გუშინ და გუშინწინ აღებული 962 ანალიზიდან, 700-ზე პასუხი არის უარყოფითი. ჯამში 1 635 ანალიზია აღებული და აქედან ერთი - ექიმების კლასტერია მარტო დადასტურებული.
რაც შეეხება სხვა მხრივ მარნეულში არსებულ ვითარებას, გრძელდება საინფორმაციო კამპანია მოსახლეობაში, სასოფლო სამეურნეო პროდუქცია გადის ჩვეულებრივად და ველოდებით 18 მაისს - გახსნას“ , - განაცხადა ზაურ დარგალმა.