ბოლნისში, სოფელ მუშევანში კორონავირუსით დაინფიცირების ერთი შემთხვევა დაფიქსირდა

ბოლნისის მუნიციპალიტეტში კორონავირუსით ინფიცირებულთა რაოდენობა 121-მდე გაიზარდა. ინფიცირების ახალი ფაქტი სოფელ მუშევანში დაფიქსირდა, სადაც სულ 28 შემთხვევაა კოვიდინფიცირების.

სამი დღის განმავლობაში, ბოლნისის მუნიციპალიტეტში ახალი ინფიცირების შემთხვევა არ ფიქსირდებოდა.

„ბოლო სამი დღის აღებული ნიმუშები ყველა უარყოფითია, რაც შეეხება სოფელ მუშევანში დადასტურებულ შემთხვევას, აღნიშნული პირი, იყო კარანტინში, სადაც გამოუვლინდა სიმპტომები და ანალიზის შედეგად დადასტურდა კოვიდინფექცია. მისი ბიოლოგიური მასალა აღებული იყო გუშინწინ.

რაც შეეხება ბოლნისში ვითარებას, ახლა ამინდის გამოსვლას ველოდებით, რომ მასიურად მოსახლეობაში დავიწყოთ ნაცხის აღება. ძირითადი შემშლელი ფაქტორი ეს არის, რომ გადაუღებლად წვიმს და კარდაკარ სიარული შეუძლებელია. ხვალიდან ამინდი თუ მოგვცემს შესაძლებლობას, ვფიქრობთ, რომ დავიწყებთ მასიურად ბიოლოგიური ნაცხების აღებას“, - აცხადებს ბოლნისის მერი დავით შერაზადაშვილი.

მუნიციპალიტეტის ტერიტორიაზე მკაცრი საკარანტინე ზომები მოქმედებს. ინფორმაციისთვის, 121 შემთხვევიდან 25 გამოჯანმრთელდა, 3 კი გარდაიცვალა.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 24.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა