შალვა კერესელიძემ მცხეთის მუნიციპალიტეტში მცხოვრებ მოსახლეობას სასურსათო პაკეტები გადასცა

მცხეთა-მთიანეთის რეგიონში, კორონავირუსის პრევენციული ღონისძიებების პარალელურად, სოციალური აქციები აქტიურად გრძელდება.

როგორც „ინტერპრესნიუსს“ მცხეთა-მთიანეთის სახელმწიფო რწმუნებულის ადმინისტრაციის პრესსამსახურიდან აცნობეს, მხარის სახელმწიფო რწმუნებული, მოადგილესთან და ადგილობრივი თვითმმართველობის ხელმძღვანელ პირებთან ერთად, მცხეთის მუნიციპალიტეტის მოსახლეობას და მუნიციპალიტეტში მცხოვრებ დევნილ ოჯახებს ესტუმრა.

მათი ინფორმაციით, შალვა კერესელიძემ მათ ძირითადი მოხმარების სასურსათო პროდუქტით დაკომპლექტებული პაკეტები გადასცა.

ხელისუფლების წარმომადგენლებმა მოსახლეობის საჭიროებებიც მოისმინეს და საკუთარი კომპეტენციის ფარგლებში მხარდაჭერა აღუთქვეს.

„ქვეყანაში შექმნილი ვითარებიდან გამომდინარე, მოქალაქეთა მოწყვლადი ჯგუფების მხარდაჭერა ჩვენთვის განსაკუთრებით პრიორიტეტულია. ამ მიმართულებით ცენტრალური და ადგილობრივი ხელისუფლების ყველა შესაბამისი უწყება აქტიურად მუშაობს. მინდა, ამ სასიკეთო საქმეში კერძო ბიზნესის თანადგომის მნიშვნელობას გავუსვა ხაზი. სახელმწიფო და კერძო სექტორის ნაყოფიერი თანამშრომლობის შედეგად, მცხეთა-მთიანეთში სოციალური ღონისძიებები რეგულარულად ხორციელდება. ადგილობრივი მოსახლეობის მხარდასაჭერად შესაბამისი აქტივობები მომავალშიც განხორციელდება“, - აღნიშნა მცხეთა-მთიანეთის სახელმწიფო რწმუნებულმა შალვა კერესელიძემ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო