კომპანია „თელასის” ინფორმაციით, სხვადასხვა სამუშაოების ჩატარების გამო, თბილისის ნაწილს 11 მაისს ელექტრომომარაგება დროებით შეეზღუდება.
მათივე ცნობით, მთაწმინდის და კრწანისის რაიონებში, გადაუდებელი სამუშაოების გამო 12 საათიდან 13 საათამდე შეზღუდვა შეეხება: დაბა კოჯრის მცხოვრებლებს.
გლდანის რაიონში, გადაუდებელი სამუშაოების გამო, 12 საათიდან 14 საათამდე შეზღუდვა შეეხება: გლდანის მასივის VI მიკრორაიონის, გლდანის ხევის დასახლების და ომარ ხიზანიშვილის ქუჩების მცხოვრებლებს.
ვაკის რაიონში, ქსელში გადართვების გამო 10:30 საათიდან 11 საათამდე შეზღუდვა შეეხება: ილია ჭავჭავაძის გამზირის, ფალიაშვილის, მოსაშვილის, მიხეილ ჯავახიშვილის, ბერძენიშვილის და კავსაძის ქუჩების მცხოვრებლებს
„კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება”, - ნათქვამია ინფორმაციაში.