რუხის საავადმყოფოში კორონავირუსით დაინფიცრებული სამი ახალი პაციენტი შეიყვანეს, - ამის შესახებ კლინიკის ხელმძღვანელმა ირაკლი გვაზავამ განაცხადა. როგორც გვაზავა განმარტავს, ისინი ანაკლიის საკარანტინე ზონაში 14 დღის მანძილზე იმყოფებოდნენ, სადაც არანაირი კლინიკური სიმპტომი არ აღენიშნებოდათ, PCR ტესტირებით კი covid19 დაუდასტურდათ.

„დღეს, ანაკლიის საკარანტინე ზონიდან სამი პაციენტი შემოიყვანეს, ისინი ჩვენთან 14 დღის მანძილზე იმყოფებოდნენ და არანაირი კლინიკური სიმპტომი არ აღენიშნებოდათ. გაწერის წინა დღეს, თითოეულ მათგან PCR ტესტები ჩაუტარდათ და სამივეგან დადებითი შემთხვევა აღმოჩნდა. მათი მდგომარეობა არ არის მძიმე, უტარდებათ საჭირო და გაიდლაინით დადგენილი ყველა კვლევა, თუმცა, ამ წუთის მდგომარეობით შემიძლია გითხრათ, რომ მათი მდგომარეობა საშუალო ან მსუბუქია. სულ 4 კოვიდინფიცირებული პაციენტი გვყავს, ერთი გვყავდა და სამი დაგვემატა. ამ ეტაპისთვის ცხელების ცენტრში 9 ადამიანი გვყავს, საიდანაც ყველა დატესტილია და არცერთს არ აქვს კორონავირუსი, ისინი სახლში გაეწერებიან“, - აცხადებს გვაზავა.