სამეგრელო-ზემო სვანეთის რეგიონი საზღვაო რეგიონების კავშირ CPMR-ის წევრი გახდა

სამეგრელო-ზემო სვანეთის რეგიონი CPMR-ის (Conference of peripheral maritime regions) წევრი გახდა. ამის შესახებ „ინტერპრესნიუსს“ სამეგრელო-ზემო სვანეთის სახელმწიფო რწმუნებულის პრესსამსახურიდან აცნობეს.

მათი ინფორმაციით, CPMR საზღვაო რეგიონების კავშირს წარმოადგენს, რომელიც 24 ქვეყნის 150 რეგიონს აერთიანებს როგორც ევროკავშირიდან, ასევე მის ფარგლებს გარეთ. კავშირი ქვეყნებისა და რეგიონების 200 მილიონამდე მოქალაქეს აერთიანებს და მხარს უჭერს წევრი რეგიონების განვითარებას.

მათივე ცნობით, აღნიშნული პლატფორმა შეიქმნა 1973 წელს, რომელიც ორიენტირებულია ისეთ საკითხებზე როგორიცაა: სოციალურ-ეკონომიკური თანამშრომლობა, ევროპული მმართველობა, ენერგეტიკა, კლიმატის ცვლილება, სამეზობლო და საზღვაო პოლიტიკა. CPMR-ს დიდი წვლილი შეაქვს რეგიონული განვითარების პრიორიტეტების ჩამოყალიბებაში. ის მუდმივად მხარს უჭერს რეგიონების როლის გაძლიერებას ევროპულ მმართველობაში.

CPMR არის ევროპული ინსტიტუტების პარტნიორი და ეხმარება რეგიონებს პროექტების შემუშავებასა და საჭიროების შემთხვევაში ევროკავშირის დაფინანსების მოპოვებაში.

,,აღნიშნული ორგანიზაციის წევრობა ძალიან მნიშვნელოვანია ჩვენი რეგიონისთვის, რაც მოგვცემს მეტ შესაძლებლობას CPMR-ის საუკეთესო პრაქტიკის გაზიარებისთვის. გვაქვს შესაძლებლობა, ორგანიზაციის წევრი რეგიონების ხელმძღვანელობით დაფუძნებულ „ინოვაციურ პარტნიორობა“-ში ჩართვის, საზღვაო საქმიანობის, ტურიზმის, სავაჭრო ურთიერთობებისა და „ლურჯი ეკონომიკის“ გაღრმავების საკითხებში, რაც კიდევ უფრო გაზრდის ჩვენი რეგიონის კონკურენტუნარიანობას და განვითარების დონეს“ ,- განაცხადა სამეგრელო-ზემო სვანეთის სახელმწიფო რწმუნებულმა.

სამეგრელო-ზემო სვანეთის სახელმწიფო რწმუნებულის პრესსამსახურის ცნობით, სამეგრელო-ზემო სვანეთი CPMR-ის პოლიტიკური ბიუროს სრულუფლებიანი წევრია. რეგიონის წარმომადგენლობას უფლება აქვს, მონაწილეობა მიიღოს გადაწყვეტილების მიმღები ორგანოს შეხვედრებში. წევრ რეგიონებს ასევე უფლება აქვთ გაწევრიანდნენ სპეციალურ სამუშაო ჯგუფებში, რომელიც ორგანიზაციის სხვადასხვა მიმართულებებზე მუშაობს.

„ორგანიზაცია მჭიდროდ თანამშრომლობს ,,შავი ზღვის ეკონომიკური თანამშრომლობის ორგანიზაციასთან“ (BSEC), ,,შავი ზღვის კვლევების საერთაშორისო ცენტრთან“ (ICBSS) და ,,საზღვაო ინსტიტუტების შავი ზღვის ასოციაციასთან“ (BSAMI).

ორგანიზაციის წევრები არის საფრანგეთის, პორტუგალიის, საბერძნეთის, იტალიის, ნიდერლანდების, ბელგიის, დიდი ბრიტანეთის, დანიის, ნორვეგიის, შვედეთის, ფინეთის, ესტონეთის, უკრაინის, ბულგარეთის, თურქეთის და სხვა ქვეყნების საზღვაო რეგიონები.

გასული წლის ოქტომბერში სამეგრელო-ზემო სვანეთის სახელმწიფო რწმუნებული ალექსანდრე მოწერელია CPMR-ის 47-ე გენერალურ ასამბლეას დაესწრო. საერთაშორისო კონფერენცია იტალიაში, კერძოდ კი პალერმოში გაიმართა. სწორედ მას შემდეგ დაიწყო სამეგრელო-ზემო სვანეთის რეგიონისა და CPMR-ის თანამშრომლობა, რასაც საბოლოოდ რეგიონის ორგანიზაციაში გაწევრიანება მოყვა“, - აღნიშნულია ინფორმაციაში.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს