ბრაზილიის პრეზიდენტი, ჟაირ ბოლსონარო აცხადებს, რომ ქვეყანაში კორონავირუსით ინფიცირებული პაციენტების რაოდენობის ზრდის მიუხედავად ღია უნდა დარჩეს ისეთი „არსებითი სერვისები“, როგორიცაა სალონები და სპორტული დარბაზები. მისივე თქმით, სიცოცხლის საკითხი სამუშაო ადგილების საკითხის პარალელურად უნდა განიხილონ.

„ეკონომიკის გარეშე არ არსებობს სიცოცხლე, არ არსებობს ექიმები და არც საავადმყოფოები“,- განაცხადა პრეზიდენტმა.

ცნობისთვის, ბრაზილიის პრეზიდენტი კორონავირუსს „უბრალოდ პატარა გრიპს“ უწოდებს და არ ეთანხმება დაწესებულ შეზღუდვებს. მისივე თქმით, მას უკვირს თუ ვირუსით მხოლოდ მოხუცები კვდებიან, „რატომ არ უნდა დადიოდნენ ბავშვები სკოლაში“ . ბრაზილიაში ამ დროისთვის კორონავირუსის 169594 შემთხვევაა დარეგისტრირებული. ქვეყანაში ვირუსს 11653 ადამიანი ემსხვერპლა.