კახეთიდან ლუგარის ლაბორატორიაში კორონავირუსზე 97 ნიმუში გაიგზავნა და ყველა მათგანზე უარყოფითი პასუხი მიიღეს

დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების უფროსის, ნელი ხიზანიშვილის ინფორმაციით, კახეთში კორონავირუსის ლაბორატორულად დადასტურებული არც ერთი შემთხვევა არ ფიქსირდება.

მისივე თქმით, გუშინ ტესტირებისთვის ლუგარის ლაბორატორიაში 97 ნიმუში გაიგზავნა და ყველა მათგანზე უარყოფითი პასუხი მიიღეს. კახეთიდან ლუგარის ცენტრში სულ 2215 ნიმუშია გადაგზავნილი.

„კახეთში მდგომარეობა კვლავ სტაბილურია, არცერთი კოვიდ 19- ის ლაბორატორულად დადასტურებული შემთხვევა არ ფიქსირდება. თვითიზოლაციაში რჩება 31 მოქალაქე და ისევ 11 ლოკაციაზე გვაქვს კარანტინი. 531 მოქალაქე იმყოფება კარანტინში. გუშინ ლუგარის ცენტრში გაგზავნილი იქნა 97 ნიმუში და ყველას შედეგია უარყოფითი. სულ კახეთიდან ლუგარის ცენტრში გაგზავნილია 2215 ნიმუში. ნიმუშების აღება გრძელდება, ხვალ ამას დაემატება მაღალი რისკის ჯგუფები“, - აღნიშნა ნელი ხიზანიშვილმა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს