გორის მერმა კონსტანტინე თავზარაშვილმა, სოფელ ვარიანში გზის სარეაბილიტაციო სამუშაოების დასრულებული პროექტი დაათვალიერა და ადგილობრივ მოსახლეობას გაესაუბრა. როგორც „ინტერპრესნიუსს“ გორის მერიიდან აცნობეს, გზის ერთკილომეტრიან მონაკვეთზე, რომელიც იაკობ გოგებაშვილის მუზეუმიდან სოფელ არაშენდისკენ მიემართება, არასდროს ყოფილა ასფალტის საფარი.
მათივე ცნობით, პროექტის ფარგლებში მოასფალტდა საავტომობილო გზა, ასევე, ეზოებში შესასვლელები და გზის მიერთებები. ვარიანი - არაშენდის გზის რეაბილიტაციას 670 440 ლარი მოხმარდა.