წელს ხობში შვიდი საბავშვო ბაღი რეაბილიტირდება და ერთი აშენდება

ხობის მუნიციპალიტეტის ინფრასტრუქტურული სამუშაოები აქტიურად გრძელდება. წელს მუნიციპალიტეტში ერთი ახალი საბავშვო ბაღი აშენდება და შვიდს რეაბილიტაცია ჩაუტარდება. ამის შესახებ ინფორმაციას სამეგრელო-ზემო სვანეთის სახელმწიფო რწმუნებულის ადმინისტრაცია ავრცელებს.

მათივე ცნობით, შუა ხორგის ადმინისტრაციულ ერთეულში 60 ბავშვზე გათვლილი საბავშვო ბაღის მშენებლობის სამუშაოებს ხობის მერი გოჩა ქაჯაია გაეცნო.

როგორც სამეგრელო -ზემო სვანეთის რწმუნებულის ადმინისტრაციაში აცხადებენ, ინფრასტრუქტურული პროექტი რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება და მისი სახელშეკრულებო ღირებულება 399 399 ლარს შეადგენს. პროცესი ჯანდაცვის სამინისტროს რეკომენდაციების მიხედვით მიმდინარეობს.

მათივე ინფორმაციით, სამშენებლო სამუშაოები ახალ სასწავლო წლამდე დასრულდება და სასწავლო-აღმზრდელობითი პროცესი თანამედროვე სტანდარტების შესაბამისად მოწყობილ გარემოში წარიმართება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს