რელიგიის საკითხთა სახელმწიფო სააგენტო, სრულიად საქართველოს მართლმადიდებელ ეკლესიასა და მის მრევლს წმინდა თამარ მეფის ხსენების დღეს ულოცავს. ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.
„დღეს საქართველოს მართლმადიდებელი ეკლესია საქართველოს ოქროს ხანის წარმატებული მმართველის, წმინდა თამარ მეფის ხსენების დღეს აღნიშნავს. თამარ მეფის ეპოქის საქართველო კავკასიის უძლიერესი სახელმწიფო იყო, თავად თამარი კი ჭეშმარიტად სახალხო სიყვარულით სარგებლობდა. საქართველოს მართლმადიდებელი ეკლესიის ავტოკეფალიის აღდგენიდან ეს დღე ეროვნულ დღესასწაულად იქცა. რელიგიის საკითხთა სახელმწიფო სააგენტო ულოცავს სრულიად საქართველოს მართლმადიდებელ ეკლესიასა და მის მრევლს დღესასწაულს, მშვიდობას, ერთობასა და სიმტკიცეს უსურვებს მათ“, - ნათქვამია უწყების მიერ გავრცელებულ ინფორმაციაში.