ირაკლი ქადაგიშვილი და როსტომ სესიაშვილი ყვარლის მუნიციპალიტეტში ფერმერებს შეხვდნენ და სასოფლო-სამეურნეო სამუშაოების მიმდინარეობას გაეცნენ

კახეთის მხარეში სახელმწიფო რწმუნებული, ირაკლი ქადაგიშვილი და ყვარლის მუნიციპალიტეტის მერი, როსტომ სესიაშვილი ყვარლის მუნიციპალიტეტში ფერმერებს შეხვდნენ და სასოფლო - სამეურნეო სამუშაოების მიმდინარეობას გაეცნენ.

როგორც „ინტერპრესნიუსს“ კახეთის სახელმწიფო რწმუნებულის ადმინისტრაციიდან აცნობეს, ხელისუფლების წარმომადგენლებმა მთავრობის ანტი- კრიზისული გეგმა სოფლის მეურნეობის მიმართულებით "“ზრუნვა ფერმერსა და სოფელზე" ფერმერებს გააცნეს და მათგან საგაზაფხულო სამუშაოების მიმდინარეობის შესახებ მოისმინეს ინფორმაცია.

ირაკლი ქადაგიშვილის განცხადებით, მთავრობის ახალ ანტი-კრიზისულ გეგმას სოფლის მეურნეობის მიმართულებით, განსაკუთრებული მნიშვნელობა აქვს კახეთში სოფლის მეურნეობის განვითარებისთვის, აღნიშნული პროგრამა თითოეული ფერმერისათვის, სტიმულისა და იმპულსის მომტანი იქნება.

„როგორც მსხვილი, ასევე საშუალო და მცირე კატეგორიის ფერმერი ამ ხელშესახები პროგრამის სიკეთის მიმღები გახდება", - აღნიშნა მხარის სახელმწიფო რწმუნებულმა.

ფერმერების განცხადებით, მისასალმებელია მთავრობის მხრიდან ამ პროგრამის განხორციელება, რადგან ბევრ ახალგაზრდას გაუჩნდება მოტივაცია ფერმერული საქმიანობის წამოწყებისათვის.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო