აჭარაში კორონავირუსზე ლაბორატორიული კვლევა საეჭვო ნიშნის მქონე 20 პირს ჩაუტარდა და არც ერთ მათგანს ინფექცია არ დაუდასტურდა.

აჭარის ჯანდაცვის სამინისტროს ინფორმაციით, კლინიკა "მედალფაში" ოთხი ინფიცირებული აგრძელებს მკურნალობას, აქედან სამის გამოჯანმრთელებას უახლოეს პერიოდში ელოდებიან. ერთს კი ინფექცია არ უდასტურდება, თუმცა ინსულტი განუვითარდა და მედიკოსების მეთვალყურეობას საჭიროებს.

აჭარაში, საკარანტინე სივრცეში 1400-ზე მეტი პირი იმყოფება. სულ გამოჯანმრთელებულთა რაოდენობა კი 60-ს შეადგენს.

ცნობისთვის, აჭარაში თითქმის ორი კვირაა კორონავირუსის ახალი შემთხვევა არ გამოვლენილა.