შიდა ქართლში მცხოვრები ოჯახებისთვის სასურსათო პროდუქტებით მომარაგება გრძელდება. მხარის გუბერნატორმა საოკუპაციო ხაზთან მდებარე სოფლებში - მეღვრეკისსა და ერგნეთში მცხოვრები სოციალურად დაუცველი ოჯახები მოინახულა და სასურსათო პაკეტები გადასცა.
,,კორონავირუსის გავრცელების პრევენციის ღონისძიებების პარალელურად, გრძელდება მარტოხელა მოხუცების, სოციალურად დაუცველი და მრავალშვილიანი ოჯახების დახმარება. ეს კი, ხშირ შემთხვევაში, კერძო კომპანიების თანამონაწილეობით ხორციელდება. კერძო და საჯარო სექტორის თანამშრომლობის მნიშვნელობა ამ პირობებში კიდევ უფრო ნათლად გამოჩნდა”, - აღნიშნა მხარის გუბერნატორმა გიგი ხოჯევანიშვილმა.