აჭარის მთავრობა - აჭარა ევროპაში ახალგაზრდული მოხალისეობის წარმატებულ მაგალითად აღიარეს

აჭარის მთავრობის ინფორმაციით, ევროპის რეგიონთა ასამბლეამ და ხმელთაშუა ზღვის კავშირის ქვეყნებმა აჭარა ევროპაში ახალგაზრდული მოხალისეობის წარმატებულ მაგალითად აღიარეს.

მათი განცხადებით, პანდემიის დროს, აჭარა უკვე მეორედ მოექცა ევროპის რეგიონთა ასამბლეის ყურადღების ცენტრში.

„ევროპის რეგიონთა ასამბლეის და ხმელთაშუა ზღვის კავშირის ქვეყნების მიერ აჭარის ავტონომიური რესპუბლიკის ახალგაზრდობის რეგიონული ცენტრი ხორვატიის რესპუბლიკის ვარაზდინის ოლქთან ერთად აღიარებულ იქნა პანდემიის განმავლობაში სტრატეგიული კოორდინაციისა და კრიზისის მართვის უნარის მქონე წარმატებულ მაგალითად ევროპაში.

ახალგაზრდობის რეგიონული ცენტრი აჭარის მთავრობის თავმჯდომარის თორნიკე რიჟვაძის ინიციატივით შეიქმნა, რომელმაც არაერთი მნიშვნელოვანი და წარმატებული პროექტი განახორციელა. პანდემიის პერიოდში ახალგაზრდული ცენტრი წითელ ჯვართან ერთად ახორციელებს მოხალისეობრივ საქმიანობას და ყოველდღიურად ეწევა საქველმოქმედო საქმიანობას. ცენტრი უკვე ათი ათასზე მეტ ოჯახს დაეხმარა და სახლში მიუტანა სასურსათო კალათები, მედიკამენტები, ყოველდღიური საჭიროების პროდუქტები.

მაღალი შეფასება მიეცა ადგილობრივი მთავრობის, რეგიონში მოქმედი დიპლომატიური კორსპუსისა და მაღალი სოციალური პასუხისმგებლობის მქონე ორგანიზაციების აქტიურ ჩართულობას მოხალისეობრივი საქმიანობის განხორციელებაში”, - ნათქვამია ინფორმაციაში.

„ახალგაზრდობის რეგიონულმა ცენტრმა წარმატებით შეასრულა ჯანდაცვის მსოფლიო ორგანიზაციის მიერ დადგენილი ყველა რეკომენდაცია, ის ჯერ კიდევ საკვებისა და მედიკამენტების დარიგების პროცესშია. საერთაშორისო გამარჯვება COVID-19-ზე ჯერ არ გამოცხადებულა და ცენტრი კვლავაც განაგრძობს რეგიონის ახალგაზრდების ჩართულობით, მაღალი სამოქალაქო პასუხისმგებლობითა და რეკომენდაციების დაცვით პროცესის მართვას”, - გაჟღერდა ევროპის რეგიონთა ასამბლეის ვებინარზე (AER).

შეგახსენებთ, რომ ცოტა ხნის წინ ორგანიზაციის ოფიციალურ გვერდზე გამოქვეყნებულ სტატიაში აჭარის ავტონომიური რესპუბლიკა იმ რამდენიმე რეგიონს შორის დასახელდა, რომლებმაც მოახდინეს დროული მობილიზება ევროოდისეის პროგრამის მონაწილეთა სამშობლოში დაბრუნებისა და კორონავირუსის პანდემიის საფრთხეებისაგან მათი დაცვის მიზნით.

ევროპის რეგიონთა ასამბლეის ოფიციალურ სტატიაში აღნიშნულია, რომ აჭარამ, ცენტრალურ ხელისუფლებასთან კოორდინაციაში, ორგანიზება გაუწია საგანგებო დანიშნულების ფრენას, რის შედეგადაც პროგრამის მონაწილე ქართველი და უცხოელი ტრენერები სამშობლოში უსაფრთხოდ დაბრუნდნენ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს