ნადარბაზევში სასმელი წყლის სისტემის მოეწყობა მიმდინარეობს. როგორც „ინტერპრესნიუსს“ გორის მუნიციპალიტეტის მერიიდან აცნობეს, პროექტის ღირებულება 452 200 ლარია.

„სოფლისთვის ყველაზე დიდ პრობლემას დღემდე სასმელი წყალი წარმოადგენს. მას ადგილობრივები ჯერ კიდევ 7 კილომეტრიდან ეზიდებიან. პროექტი ითვალისწინებს ინდივიდუალური წყლის მრიცხველების დამონტაჟებას, ჭაბურღილის, სადაწნევო კოშკისა და შიდა გამანაწილებელი ქსელის მოწყობას. სამუშაოების დასრულების შემდეგ, სოფელში მცხოვრები 120 ოჯახი სასმელ წყალს შეუფერხებლად მიიღებს. სასმელ წყლის სისტემი მოწყობასთან ერთად, ნადარბაზევში გზების რეაბილიტაციაც მიმდინარეობს,“- აღნიშნულია მერიის მიერ გავრცელებულ ინფორმაციაში.