იტალიაში, გასული დღე-ღამის განმავლობაში კორონავირუსით კიდევ 242 ადამიანი გარდაიცვალა, რაც 20-ით ნაკლებია წინა დღის მონაცემთან შედარებით. ამასთან წინა დღის მონაცემთან შედარებით, 200-ით იკლო დაინფიცირების რიცხვმა.
ქვეყნის სამოქალაქო დაცვის სააგენტოს ინფორმაციით, გასულ 24 საათში კორონავირუსი 789 ადამიანს გამოუვლინდა. ვირუსით სულ 223 885 ადამიანი დაინფიცირდა, აქედან 31 610 ადამიანი გარდაიცვალა, 120 205 პაციენტი კი გამოჯანმრთელდა. ამჟამად დაინფიცირებულია 72 000-ზე მეტი ადამიანი. მათგან 800 პირი ინტენსიური თერაპიის განყოფილებაშია.
Worldometers-ის მონაცემებით, იტალიამ დაინფიცირებულთა რიცხვით, აშშ-ის, ესპანეთის, რუსეთისა და დიდი ბრიტანეთის შემდეგ მსოფლიოში მე-5 ადგილზე გადაინაცვლა.