ანდრიუს კუბილიუსი უგულავასა და ოქრუაშვილის გათავისუფლებაზე - სწორი მიმართულებით გადადგმული ნაბიჯია, ვულოცავ პრეზიდენტ სალომე ზურაბიშვილს
სწორი მიმართულებით გადადგმული ნაბიჯია, ვულოცავ პრეზიდენტ სალომე ზურაბიშვილს , - ამის შესახებ ევროპარლამენტარმა, ანდრიუს კუბილიუსმა სოციალურ ქსელ, „ტვიტერზე“ დაწერა, რითაც პრეზიდენტის გადაწყვეტილებას გამოეხმაურა გიგი უგულავასა და ირაკლი ოქრუაშვილის გათავისუფლების თაობაზე.
„მნიშვნელოვანი განვითარება საქართველოში – პრეზიდენტმა ზურაბიშვილმა ორი ოპოზიციონერი ლიდერი, თბილისის ყოფილი მერი გიგი უგულავა და თავდაცვის ყოფილი მინისტრი ირაკლი ოქრუაშვილი შეიწყალა. სწორი მიმართულებით გადადგმული ნაბიჯია. ვულოცავ პრეზიდენტ სალომე ზურაბიშვილს“, – წერს კუბილიუსი.
