აშშ-ის პრეზიდენტი დონალდ ტრამპი აცხადებს, რომ აშშ „სუპერ დუპერ რაკეტის“ შექმნაზე მუშაობს, რომელიც 17-ჯერ უფრო სწრაფია, იმასთან შედარებით, რაც ქვეყანას დღემდე ჰქონია.

„მომავალი კოსმოსისაა როგორც თავდაცვის, ასევე თავდასხმის კუთხითა და კიდევ ბევრი სხვა რამით. იქიდან გამომდინარე, რაც მესმის და რა ინფორმაციაც ვრცელდება, ახლა უკვე კოსმოსში ლიდერი ჩვენ ვართ,“- განაცხადა დონალდ ტრამპმა აშშ-ის კოსმოსური ძალების ახალი დროშის წარდგენისას.

„ჩვენი რაკეტა არსებულებზე 17-ჯერ სწრაფია, რუსეთს 5-ჯერ უფრო სწრაფი აქვს და ჩინეთი 5-ჯერ თუ 6-ჯერ უფრო სწრაფის შექმნაზე მუშაობს,“ - განაცხადა დონალდ ტრამპმა.

შეგეხსენებთ, დონალდ ტრამპმა აშშ-ის კოსმოსური ძალების შექმნის განკარგულებას 2019 წლის დეკემბერში მოაწერა ხელი.