თეთრიწყაროს მუნიციპალიტეტში, მესამე დღეა კოვიდინფიცირების ახალი შემთხვევა აღარ დაფიქსირებულა. როგორც „ინტერპრესნიუსს" მუნიციპალიტეტის მერიიდან აცნობეს, გუშინ, 33 ტესტის პასუხიდან ყველა უარყოფითი იყო, დღეს დილით კი 9 საკვლევი მასალის ტესტირების პასუხი გახდა ცნობილი და კოვიდ-19-ზე ცხრავე უარყოფითია.

დღეისთვის მუნიციპალიტეტში კორონავირუსის 54 დადასტურებული შემთხვევაა. ერთით გაიზარდა გამოჯანმრთელებულ პირთა რაოდენობა და დღეისათვის უკვე 11-ია. კარანტინში 16 პირი იმყოფება, თვითიზოლაციაში კი 34, სტაციონაში მკურნალობას 43 პირი გადის. თერმოსკრინინგი 14 971 პირს ჩაუტარდა, პი-სი-არ ტესტირება კი ჯამში 388-ს.