რუსთავის ცენტრალური პარკი დამსვენებლებისთვის გაიხსნა

რუსთავის ცენტრალური პარკი დამსვენებლებს დღეიდან ისევ მიიღებს. როგორც „ინტერპრესნიუსს“ რუსთავის მერიიდან აცნობეს, რეკრეაციული სივრცის გახსნამდე ადგილზე არსებულ სიტუაციას, რუსთავის მერი ირაკლი ტაბაღუა, ქალაქის საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრის ხელმძღვანელ დავით ბეგაშვილთან და „რუსთავსერვის ცენტრის" წარმომადგენლებთან ერთად გაეცნო.

მერიის ცნობით, პარკში დასვენებისა და გასეირნების მსურველ მოქალაქეებს რეკრეაციულ სივრცეში შესვლა, “კომენდატის საათით” გათვალისწინებული შეზღუდვის გარდა, დღეიდან ნებისმიერ დროს შეუძლიათ.

„რუსთავსერვის ცენტრის“ თანამშრომლებმა რეკრეაციული სივრცე დამსვენებლების მისაღებად რამდენიმე დღის წინ მოამზადეს, რეკომენდაციების გათვალისწინებით, სანიტარულად დაამუშავეს სკამები და ბავშვთა ატრაქციონები.

„სასიხარულოა, რომ ნელ-ნელა გვეძლევა იმის საშუალება, შეზღუდვები მოვხსნათ და ცხოვრების ჩვეულ რიტმს დავუბრუნდეთ. დღეს პარკი გავხსენით დამსვენებლებისთვის, რადგან ქალაქში ვირუსის გავრცელების მხრივ სტაბილური მდგომარეობაა. ახლა მთავარია, ეს მდგომარეობა შევინარჩუნოთ. მინდა თხოვნით მივმართო რუსთაველებს, პარკში სეირნობისას დაიცვან სოციალური დისტანცია და ყველა ის რეკომენდაცია, რომელიც ვირუსის გავრცელების პრევენციისთვის არის გაცემული ჯანმრთელობის დაცვის სამინისტროს მიერ" ,- განაცხადა რუსთავის მერმა ირაკლი ტაბაღუამ ჟურნალისტებთან საუბრისას.

ქალაქის ცენტრალური პარკის ტერიტორიაზე სანიტარულ-ჰიგიენურ მდგომარეობას ყოველდღიურ რეჟიმში გააკონტროლებს „რუსთავსერვის ცენტრი". ქალაქის ცენტრალური პარკი, კორონავირუსის გავრცელების პრევენციული ღონისძიებების ფარგლებში, ვიზიტორებისთვის 25 მარტიდან იყო დაკეტილი.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის