ბათუმის "ცხელების ცენტრში" კორონავირუსის საეჭვო ნიშნით 28 პირს ლაბორატორიული კვლევა ჩაუტარდა და არცერთ მათგანს ინფექცია არ დაუდასტურდა. დღესვე, აჭარაში, კლინიკა "მედალფა" კორონავირუსისგან გამოჯანმრთელებულმა ორმა პაციენტმა დატოვა. კლინიკის ინფორმაციით, გამოჯანმრთელებულთა შორის არის 80 წლის მამაკაცი, რომლის მდგომარეობაც მძიმე იყო, იგი კორონავირუსისგან სრულად განიკურნა, თუმცა ჯანმრთელობის სხვა პრობლემების გამო, სხვა კლინიკაში სამკურნალოდ გადაიყვანეს.
ცნობისთვის, აჭარაში კორონავირუსით სამი ინფიცირებული რჩება, მათ შორის ერთი პირი თბილისიდან დღეს ჩაიყვანეს.