ფოთის „ცხელების კლინიკაში“ მოთავსებულ სამ პაციენტს, რომელთა შორის ერთი 2 წლის ბავშვია, ლაბორატორიული კვლევის შედეგად კორონავირუსი არ დაუდასტურდა. ამ დროისთვის სამედიცინო დაწესებულებაში 5 ახალი პაციენტია შეყვანილი და მათი ნიმუშები ლაბორატორიაში ხვალ გაიგზავნება.
„დღეს ლაბორატორიაში გაგზავნილი იყო სამი ნიმუში და საბედნიეროდ, კორონავირუსი არცერთ მათგანს არ აღმოაჩნდა. ჩვენთან ცხელებითა და რესპირატორული სიმპტომებით შემოიყვანეს 5 ახალი პაციენტი: 70 წლის მამაკაცი პატარა ფოთიდან, 80 წლის ქალი ფოთიდან, წლინახევრისა და 4 წლის გოგონები ფოთიდან, ასევე 7 თვის გოგონა ლანჩხუთიდან. მათი ბიოლოგიური მასალა ზუგდიდის ინფექციური საავადმყოფოს ლაბორატორიაში „პისიარ“ კვლევისათვის ხვალ გაიგზავნება“, - განაცხადა ფოთის ჰოსპიტალის დირექტორმა, თეა მიგინეიშვილმა.
ამასთან, ფოთში, კორონავირუსზე გეგმური კვლევა საგანგებო სიტუაციების კოორდინაციისა და გადაუდებელი დახმარების ცენტრის თანამშრომლებს ჩაუტარდათ. სულ 58 ნიმუშის აღება მოხდა და ყველა პასუხი უარყოფითია.