„ბლუმბერგი“ - ჩინეთში 108 მილიონი ადამიანი თვითიზოლაციაში დაბრუნდა
კორონავირუსის ახალი აფეთქების შედეგად, ჩინეთში 108 მილიონი ადამიანი თვითიზოლაციაში დაბრუნდა. ამის შესახებ სააგენტო „ბლუმბერგი“ წყაროზე დაყრდნობით წერს.
მისი ინფორმაციით, ადგილობრივმა ხელისუფლებამ მკაცრი საკარანტინე ზომები განახორციელა ქვეყნის ჩრდილო-აღმოსავლეთ რეგიონში. პროვინცია ცზილინში შეწყდა ავტობუსებისა და სარკინიგზო ტრანსპორტის მუშაობა, დაიკეტა სკოლები და მოქალაქეები იზოლირებულები არიან.
„ბლუმბერგის“ ცნობით, პროვინციაში დაფიქსირდა 34 ახალი შემთხვევა კოვიდინფიცირების და ახალი შეზღუდვები იმას ადასტურებს, რომ ჩინეთის ხელისუფლებას ეპიდაფეთქების მეორე ტალღის ეშინია.
