ჩინეთის ეროვნული ჯანდაცვის კომისიის ინფორმაციით, ბოლო დღე-ღამეში ქვეყანაში კორონავირუსით დაინფიცირების 6 ახალი შემთხვევა გამოვლინდა. მათგან სამი შემთხვევა იმპორტირებულია, სამი კი - ადგილობრივი გადაცემის ფაქტი.
ამ დრომდე ჩინეთში კორონავირუსი სულ 82 960 ადამიანს გამოუვლინდა. 78 241 პაციენტი საავადმყოფოებიდან უკვე გაწერეს. აღსანიშნავია, რომ ამ დროისთვის აქტიური შემთხვევების რაოდენობა 85-ია. დღემდე ქვეყანაში ვირუსს 4 634 ადამიანი ემსხვერპლა.