ხულოს მუნიციპალიტეტის სოფელ საციხურაში საცხოვრებელი სახლი იწვის. შემთხვევის შედეგად არავინ დაშავებულა. ცეცხლი ხის სახლს გაუჩნდა და დამხმარე ნაგებობაზეც გავრცელდა. ადგილზე სახანძრო - სამაშველო სამსახურის რამდენიმე ბრიგადა მუშაობს.
მომხდარ ფაქტს ხულოს მერიის შესაბამისი სამსახური შეისწავლის.
„ვაშაყმაძეების ოჯახს ქირით გავიყვანთ. დროებით საცხოვრებელში ყოფნის პერიოდში, შევისწავლით ხანძრის შედეგად მიყენებულ ზარალს და შესაბამის დახმარებას გავუწევთ. საბედნიეროდ, არავინ დაშავებულა. დაზარალებული ოჯახი მეზობლებს აფარებს თავს",- აცხადებენ ხულოს მერიაში.