ბრაზილიაში ერთ დღეში კორონავირუსით 1 179 ადამიანი გარდაიცვალა და დაღუპულთა საერთო რაოდენობა 17 971-მდე გაიზარდა, - ამის შესახებ ინფორმაციას „სიენენი“ ბრაზილიის ჯანდაცვის სამინისტროზე დაყრდნობით ავრცელებს.

მათივე ინფორმაციით, ქვეყანაში „კოვიდ 19“-ის 17 408 ახალი შემთხვევა დადასტურდა და ინფიცირებულთა რიცხვმა 271 628-ს მიაღწია.

აშშ-ის პრეზიდენტმა დონალდ ტრამპმა განაცხადა, რომ მისი ადმინისტრაცია ბრაზილიასთან მიმოსვლის აკრძალვის საკითხზე მსჯელობს. “არ მსურს, იქიდან მოსულებმა ჩვენი ხალხი დააინფიცირონ,“- განაცხადა პრეზიდენტმა ტრამპმა.

ცნობისათვის, ბრაზილია კორონავირუსის შემთხვევების რაოდენობით მსოფლიოში მესამე ადგილზე დგას აშშ-სა და რუსეთის შემდეგ.