ქუთაისში, მთავრობის ანტიკრიზისული გეგმის გათვალისწინებით, რამდენიმე კომპანიამ მუშაობა განაახლა

ქუთაისში, მთავრობის ანტიკრიზისული გეგმის გათვალისწინებით, რამდენიმე კომპანიამ მუშაობა განაახლა. ამის შესახებ „ინტერპრესნიუსს“ ქუთაისის მუნიციპალიტეტის მერიიდან აცნობეს.

მათივე ინფორმაციით, შპს „ჯი არ სის“ და შპს „სიარპი ვუდ დეველოპმენტს“, რომელთა საქმიანობა დაკავშირებულია ინფრასტრუქტურულ სამუშაოებთან, ქუთაისის მერის მოვალეობის შემსრულებელი დავით ერემეიშვილი ადგილობრივი ხელისუფლების წარმომადგენლებთან ერთად ესტუმრა და მათ სამუშაო პირობებს გაეცნო.

კომპანიებმა, რომლებსაც ბიზნესსაქმიანობა კორონავირუსის საფრთხის გამო დაწესებული შეზღუდვების მიზეზით შეუჩერდათ, მუშაობის განახლება მხოლოდ შრომის ინსპექციის მიერ ჩატარებული შემოწმების გავლის შემდეგ შეეძლეს.

„შპს „ჯი არ სი“ ქუთაისში 2 წელია ფუნქციონერებს, გადასახურ მასალებს აწარმოებს, აგრეთვე ბაზარს სამშენებლო მასალებით ამარაგებს. საგანგებო მდგომარეობის გამო კომპანიის რამდენიმე თანამშრომელი უმუშევარი დარჩა, რომლებიც კანონით გათვალისწინებულ კომპენსაციებს მიიღებენ. შპს „სიარპი ვუდ დეველოპმენტი“ სამშენებლო კომპანიაა, რომელიც ასევე ხისა და ლითონის ნაკეთობებს, კარ-ფანჯარას, ავეჯს აწარმოებს. ამასთანავე, ის არის ჩეხური კომპანია “Czech Energy Team”-ის პარტნიორი, რომელმაც საქართველოში დაიწყო მზის ენერგოსისტემათა პროექტირება -მონტაჟი და საექსპლუატაციო მომსახურება. სიარპი ვუდ დეველოპმენტმა“ ყველა თანამშრომლის შენარჩუნება შეძლო და მუშაობის განახლების შემდეგ რამდენიმე ახალი კადრიც მიიღო.

„ქალაქისთვის მნიშვნელოვანია, რომ დროულად ამოქმედდეს ის საწარმოები, რომელთა საქმიანობა ინფრასტრუქტურული პროფილისაა. ამასთანავე, უმნიშვნელოვანესია ისიც, რომ ადამიანები დაუბრუნდნენ სამუშაო ადგილებს და არ დარჩნენ შემოსავლის გარეშე“, - განაცხადა მერის მოვალეობის შემსრულებელმა, დავით ერემეიშვილმა.

ორივე კომპანიაში სამუშაო პროცესი ჯანდაცვის და შრომის უსაფრთხოების ორგანიზაციების რეკომენდაციების გათვალისწინებით მიმდინარეობს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს