თეთრიწყაროში, ლაბორატორიული კვლევის შედეგად, კორონავირუსით ინფიცირების ერთი ახალი ფაქტი დადასტურდა.

როგორც „ინტერპრესნიუსს“ თეთრიწყაროს მუნიციპალიტეტის მერიაში განუცხადეს, ინფიცირებული პირი ე.წ. ექიმთა კლასტერს მიეკუთვნება და კონტაქტის კონტაქტია.

ამ დროისთვის თეთრიწყაროს მუნიციპალიტეტში კორონავირუსით ინფიცირების 55 დადასტურებული შემთხვევაა. გამოჯანმრთელებულთა რაოდენობა 21-ს შეადგენს. ამ დროისთვის თვითიზოლაციაში 18, ხოლო კარანტინში 27 მოქალაქე იმყოფება, სტაციონარში მკურნალობს 34 პაციენტი. მუნიციპალიტეტის ტერიტორიაზე თერმოსკრინინგი 17 363 პირს, PCR ტექნოლოგიით ტესტირება კი 423-ს ჩაუტარდა.