ბიზნესომბუდსმენმა და ეროვნული ბანკის ვიცე-პრეზიდენტმა ვალუტის გადამცვლელთა ასოციაციასთან ობიექტების გახსნასთან დაკავშირებული საკითხები განიხილეს

ბიზნესომბუდსმენმა მიხეილ დაუშვილმა და ეროვნული ბანკის ვიცე-პრეზიდენტმა ვალუტის გადამცვლელთა ასოციაციასთან ობიექტების გახსნასთან დაკავშირებული საკითხები განიხილეს, იმსჯელეს სავალუტო ჯიხურების გახსნის ვადების დაჩქარებისა და ობიექტებში კორონავირუსის გავრცელების პრევენციის მიზნით გასატარებელ რეგულაციებზე. აღნიშნულის შესახებ „ინტერპრესნიუსს“ ბინესომბუდსმენის აპარატიდან აცნობეს. როგორც მათ ინფორმაციაშია აღნიშნული, ბიზნესომბუდსმენის აპარატი შეზღუდვების მოხსნის და ეკონომიკის ამოქმედების გეგმისა და კორონავირუსის პრევენციის მიზნით შემუშავებულ რეკომენდაციებზე ბიზნესთან სექტორულ განხილვებს აგრძელებს.

„ვალუტის გადამცვლელი ობიექტები არიან მნიშვნელოვანი სერვისის მიმწოდებლები და როგორც დღეს მათგან მოვისმინეთ, ყოველდღიურად მილიონამდე მომხმარებელს ემსახურებიან. ჩვენ შევთანხმდით, რომ ჯანდაცვის სამინისტროსთან კოორდინაციით, ვალუტის გადამცვლელი ობიექტებისთვის შემუშავდება ვირუსის გავრცელების პრევენციული რეგულაციები და ცხადია, ბიზნესომბუდსმენის აპარატი მხარს დაუჭერს, რომ აღნიშნული მნიშვნელოვანი ბიზნეს სექტორის გახსნა მოხდეს დროულად, მაგრამ აუცილებელია, რომ ეს გახსნა იყოს მდგრადი და სექტორში მოხდეს კორონავირუსის გავრცელების პრევენციული სტანდარტების დანერგვა და დაცვა“, - განაცხადა მიხეილ დაუშვილმა.

კონსულტაციები გაგრძელდება ვალუტის გადამცვლელთა ასოციაციასთან და პროცესში შრომის პირობების ინსპექტირების დეპარტამენტი ჩაერთვება.

ვიდეოჩართვაში ვალუტის გადამცვლელთა ასოციაციის დირექტორი ნინო ქავთარაძე, ასოციაციის თავმჯდომარეები რატი მაღლაკელიძე, რეზვა ყულოშვილი, პაატა ჩუბინიძე და ასოციაციის წევრი კომპანია „სოფთ ლოუნის“ წარმომადგენელი ვახტანგ გრიგალაშვილი მონაწილეობდნენ. საქართველოს მთავრობის შეზღუდვების მოხსნის და ეკონომიკის ამოქმედების გეგმის მიხედვით, ყველანაირი საფინანსო მომსახურების გახსნა მეოთხე ეტაპზეა დაგეგმილი.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა