ფოთში კორონავირუსზე 57 პირის ანალიზის პასუხს ელოდებიან

ფოთში კორონავირუსზე 57 პირის ანალიზის პასუხს ელოდებიან. მათი ბიოლოგიური მასალა ლაბორატორიაში დღეს გაიგზავნა.

საზოგადოებრივი ჯანდაცვის ადგილობრივი ცენტრის ინფორმაციით, აღებულ სინჯებს შორის ერთი მძღოლია, რომელსაც კონტაქტი ჰქონდა ზუგდიდელ ინფიცირებულთან.

,,ფოთში დღევანდელი მდგომარეობით კორონავირუსის მხრივ სიმშვიდეა, რაც ძალიან გვახარებს. დღეს გეგმურად კოვიდ19-ზე ჩატარდა გამოკვლევა PCR მეთოდით. გამოკვლეულ იქნა საბაჟოს 55 თანამშრომელი, ასევე ერთი პიროვნება- მძღოლი, რომელსაც კონტაქტი ჰქონდა ე.წ ზუგდიდის კლასტერთან. მას დღეს დაუმთავრდა თვითიზოლაციის პერიოდი და გავაკეთეთ გამოკვლევა. ამის შემდეგ გაირკვევა, თუ რა ბედი ეწევა - მოიხსნება თვითიზოლაციიდან, თუ გააგრძელებს აღნიშნულ პროცესს და მეთვალყურეობას.

,,ცხელების ცენტრიდან“ გაიგზავნა მხოლოდ ერთი პაციენტის ბიოლოგიური მასალა. იქ ბოლო პერიოდში მომართვიანობამ შედარებით იკლო. ჩვენთვის პრობლემაა საერთაშორისო მიმოსვლის მძღოლები. მათზე ვამყარებთ თვითიზოლაციას და საკარანტინო სივრცეშიც არიან მოთავსებული. ფოთში თვითიზოლაციაში 63 პირი იმყოფება“ , - განაცხადა ფოთის საზოგადოებრივი ჯანდაცვის ცენტრის დირექტორის მოადგილემ ზინაიდა გაგუამ.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ