ამირან გამყრელიძე - ბოლო 10 დღის მონაცემები გვაჩვენებს, რომ ყოველდღიურად გამოჯანმრთელებულთა რიცხვი აჭარბებს ახლად ინფიცირებულთა რაოდენობას

ბოლო 10 დღის ეპიდემიოლოგიური მონაცემები გვაჩვენებს, რომ ყოველდღიურად გამოჯანმრთელებულთა რიცხვი აჭარბებს ახლად ინფიცირებულთა რაოდენობას, რომელის ასევე დამაიმედებელი ინდიკატორია, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომაზე განაცხადა. როგორც გამყრელიძემ აღნიშნა, კორონავირუსით დაავადებული პირებიდან 68% გამოჯანმრთელებულია.

„დღევანდელი რიცხვით საქართველოში გამოკვლეულია 45 707 შესაძლო შემთხვევა, აქედან დადასტურებულია 723. აქედან დღეს დილისთვის აქტიური შემთხვევა, ვინც იმყოფება სტაციონარებში და გადის მკურნალობას არის 216, გამოჯანმრთელებულია 495, ანუ 68%, რაც კარგი ინდიკატორია. ჩვენთან გამოჯანმრთელებულთა რიცხვმა სერიოზულად გადააჭარბა ინფიცირებულთა რაოდენობას. ბოლო 10 დღის ეპიდემიოლოგიური მონაცემები გვაჩვენებს, რომ ყოველდღიურად გამოჯანმრთელებულთა რიცხვი აჭარბებს ახლად ინფიცირებულთა რაოდენობას, რომელიც ასევე დამაიმედებელი ინდიკატორია“, - განაცხადა გამყრელიძემ.

მისი თქმით, საკარანტინე ზონებმა ძალიან გაამართლა ქვეყანაში, ამ ზონებიდან 120-მდე შემთხვევა დაფიქსირდა.

„დღევანდელ დილით გვაქვს ორი ახლად დადასტურებული შემთხვევა, ერთი უკავშირდება თეთრიწყაროს კლასტერს, კონტაქტის კონტაქტს. ასევე ერთი გვაქვს საკარანტინე ზონიდან. საკარანტინე ზონებმა ძალიან გაამართლა ქვეყანაში ამ ზონებიდან ჩვენ 120-მდე ახალი შემთხვევა დავაფიქსირეთ. ამით კი პრევენცია გავაკეთეთ საზოგადოებაში დისტრიბუციის, რამაც შეკავების ფაზაში დიდი როლი ითამაშა“, - განაცხადა გამყრელიძემ.

რაც შეეხება ტესტირებებს, როგორც გამყრელიძემ აღნიშნა, მაისში ტესტირების საშუალო მაჩვენებელი გააოთხმაგეს, თუმცა ტურიზმის გახსნის პირობებში ტესტირებები კიდევ მოიმატებს. „ამ გეგმას მალე წარმოგიდგენთ. დღევანდელი დილით არის 1697, მათ შორის 1609 პირველადი ტესტირებაა ჩატარებული. დღეს იწყება ბოლნისის მუნიციპალიტეტში სეროპრევალენტური კვლევა, ასევე საკონტროლოდ გვაქვს თელავის მუნიციპალიტეტი. 26-27 მაისისთვის გვექნება ამ კვლევის შედეგები. ამ ტიპის კვლევები გარკვეული პერიოდულობით განმეორდება“, - განაცხადა გამყრელიძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან