ოზურგეთის მუნიციპალიტეტის სოფელ ჭანიეთში ავტოსაგზაო შემთხვევის შედეგად სამი ადამიანი დაშავდა

ოზურგეთის მუნიციპალიტეტის სოფელ ჭანიეთში ავტოსაგზაო შემთხვევის შედეგად სამი ადამიანი დაშავდა.

არსებული ინფორმაციით, სოფელ ჭანიეთიდან მომავალი „კორსას” მარკის ავტომობილი, გზიდან გადავიდა და ამოტრიალდა. ავტომობილში სამი ადამიანი იმყოფებოდა. შემთხვევის შედეგად დაშავებულები ოზურგეთში, სამედიცინო ცენტრ „მედალფაში" არიან მოთავსებული.

„სამივე პაციენტს აღენიშნება პოლიტრავმები. ამჟამად, მათ უტარდებათ კლინიკო- ლაბორატორიული კვლევები. მათი ჯანმრთელობის მდგომარეობის შესახებ დამატებითი ინფორმაცია სწორედ კვლევების დასრულების შემდეგ გვექნება, "- განაცხადა სამედიცინო ცენტრ „მედალფას" დირექტორმა, დავით მდინარაძემ.

როგორც "ინტერპრესნიუსს“ შსს-ში განუცხადეს, მომხდარ ფაქტზე გამოძიება სსკ-ის 276-ე მუხლის მე-2 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის ნაკლებად მძიმე დაზიანება.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ