რაჭა-ლეჩხუმისა და ქვემო სვანეთის სახელმწიფო რწმუნებული არჩილ ჯაფარიძე, ლენტეხის მუნიციპალიტეტის ხელმძღვანელ პირებთან ერთად, სოფელ ყარიშში, 25 წლის ხეზე კვეთის თვითნასწავლი ოსტატის ბაჩო ლიპარტელიანის საქმიანობას გაეცნო. ამის შესახებ „ინტერპრესნიუსს“ რაჭა-ლეჩხუმისა და ქვემო სვანეთის სამხარეო ადმინისტრაციის საზოგადოებასთან ურთიერთობის სამსახურიდან აცნობეს.

მათი ინფორმაციით, ხელოვანმა ლენტეხის სამხატვრო სკოლა, შემდეგ თბილისში კოლეჯი “სპექტრი“ დაამთავრა, მას შემდეგ ლენტეხში საკუთარ საამქროში მუშაობს.

პრესსამსახურის ცნობით, სახელმწიფოს მიერ გამოცხადებულ პროექტ “აწარმოე საქართველოს“ დაფინანსებით მან დაზგები შეიძინა.

არჩილ ჯაფარიძემ ახალგაზრდა ოსტატს მხარდაჭერა გამოუცხადა და ის პროგრამები გააცნო, რომელიც საქმიანობის გაფართოებაში დაეხმარება

„ ყოველკვირეულად ვეცნობი ჩვენს რეგიონში მცხოვრები ადამიანების, მათ შორის რაც განსაკუთრებულად მახარებს, ახალგაზრდების საქმიანობას, ბაჩო განსაკუთრებული ნიჭის მქონე ადამიანია, სამომავლო გეგმები გამაცნო, აუცილებლად მხარს დავუჭერ მის საქმიანობას“, - განაცხადა არჩილ ჯაფარიძემ.