აჭარაში, ხულოს მუნიციპალიტეტში ძლიერმა ქარმა პრობლემები შექმნა
ძლიერმა ქარმა აჭარაში, ხულოს მუნიციპალიტეტის რამდენიმე სოფელში საცხოვრებელი სახლების სახურავები დააზიანა.
მოსახლეობის ინფორმაციით, ქარმა 10-მდე საცხოვრებელ სახლს სახურავი გადახადა. სტიქიის შედეგად არავინ დაშავებულა.
დაზარალებული მოსახლეობა ადგილობრივი ხელისუფლებისგან დახმარებას ითხოვს.
ხულოს მერიაში აცხადებენ, რომ სტიქიის შედეგად, მიყენებულ ზარალს მერიაში შექმნილი სპეციალური კომისია შეისწავლის და შემდგომ დაზარალებულ ოჯახებს დახმარება გაეწევათ.
