სუს-ი უარყოფს გავრცელებულ ინფორმაციას, რომ საქართველოს საზღვარი ტერორიზმში ბრალდებულმა პირმა გადმოკვეთა

სახელმწიფო უსაფრთხოების სამსახური უარყოფს გავრცელებულ ინფორმაციას, რომ საქართველოს საზღვარი ტერორიზმში ბრალდებულმა პირმა გადმოკვეთა. როგორც „ინტერპრესნიუსს“ სუს-ში განუცხადეს, იემენის მოქალაქის წინააღმდეგ ძიება საზღვრის უკანონო კვეთისა და ქრთამის მიცემის ბრალდებით მიმდინარეობდა.

„გიდასტურებთ, რომ ქრთამის აღების ფაქტზე მოხდა შსს-ს საპატრულო პოლიციის თანამშრომლის დაკავება და ამასთან დაკავშირებით სამინისტრომაც გააკეთა კომენტარი რამდენიმე დღის წინ. რაც შეეხება იემენის მოქალაქეს, მის წინააღმდეგ გამოძიება მიმდინარეობდა ორი მუხლით, ესენია: საზღვრის უკანონო კვეთისა და ქრთამის მიცემის ფაქტი. არც წითელი ცირკულარით არ არის ძებნილი ეს პირი და არც ტერორიზმთან არანაირი კავშირი არ იკვეთება საქმეში. ასევე, დადასტურებით შემიძლია გითხრათ, რომ საზღვრის კვეთა მოხდა მხოლოდ ერთხელ,“ - აცხადებენ სუს-ში.

ტელეკომპანია “ფორმულას” ცნობით კი, ჩატარებული ჟურნალისტური გამოძიების შედეგად დაადგინეს, რომ პირი, რომელმაც ლარსის გამშვები პუნქტი ორჯერ უკანონოდ გადმოკვეთა, ალქაიდას ერთ-ერთი ყველაზე გავლენიანი ტერორისტი, აბდულა ჰაჰმედ აბდულაჰი, იგივე აბუ მუჰამედ ალმასრია. ტელეკომპანიის ცნობით, თავდაპირველად აღნიშნული ფაქტის შესახებ მათ სანდო წყაროდან შეიტყვეს, ინფორმაციის გადამოწმების შემდეგ კი მათ ხელთ არსებული მონაცემები ინტერპოლის წითელი ცირკულარით ძებნილი პირის მონაცემებს დაემთხვა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან