ჩინეთის ხელისუფლება მსოფლიო ჯანდაცვის ორგანიზაციის ბაზაზე, საერთაშორისო და გამჭვირვალე გამოძიებას, კორონავირუსის წარმოშობის გარემოებასთან და პანდემიის მიზეზებთან დაკავშირებით, მხარს უჭერს. ამის შესახებ პრესკონფერენციაზე ჩინეთის საგარეო საქმეთა მინისტრმა ვან იმ განაცხადა.

„ჩინეთი ღიად უდგება მსოფლიო სამეცნიერო თანამეგობრობის ძალისხმევას კორონავირუსის წყაროს იდენტიფიკაციის საკითხში. მნიშვნელოვანია, რომ ეს იყოს პროფესიონალური, მიუკერძოებელი და კონსტრუქციული პროცესი. პროფესიონალური ნიშნავს, რომ ის ბაზირებული იყოს მეცნიერებაზე და წარიმართოს ჯანმო-ს საფუძველზე“, - განაცხადა მინისტრმა.

მისი თქმით, რაც შეეხება მიუკერძოებლობას, ეს ნიშნავს, რომ წყაროს ძიება დაცული უნდა იყოს რაიმე სახის პოლიტიკური ჩარევებისგან. მათ პატივი უნდა სცეს ყველა სუვერენულმა ქვეყანამ.

მინისტრის თქმით, ზოგიერთმა ამერიკელმა პოლიტიკოსმა იჩქარა, როდესაც კორონავირუსს „გეოპოლიტიკური იარლიყი მიაკერა, მისი გავრცელების წყაროს პოლიტიზირება და ჩინეთის სტიგმატიზება განახორციელა.“