თეთრიწყაროს მუნიციპალიტეტში გუშინ აღებული 129 საკვლევი მასალის შედეგები ცნობილია და კოვიდინფექცია არც ერთს პირს არ დაუდგინდა. როგორც "ინტერპრესნიუსს" თეთრიწყაროს მუნიციპალიტეტის მერიაში განუცხადეს, ბოლო კვლევის შედეგად, "კოვიდ19"-ის ახალი შემთხვევა აღარ დაფიქსირებულა.

დღეისთვის თეთრიწყაროს მუნიციპალიტეტში კორონავირუსის 55 დადასტურებული შემთხვევაა, გამოჯანმრთელებულთა რიცხვი კი 34-ს შეადგენს.

ამ დროისთვის თვითიზოლაციაში 12, ხოლო კარანტინში 39 მოქალაქე იმყოფება, სტაციონარში მკურნალობს 14 პაციენტი, თერმოსკრინინგის პროცედურა ჩატარებული აქვს 17 886 პირს, პი-სი-არ ტექნოლოგიით ტესტირება - 804 პირს. 26 აპრილიდან დღემდე თეთრიწყაროს მუნიციპალურ ცენტრში კარანტინის რეჟიმი მოქმედებს.