კახა კალაძე - დაწყებულია შერჩევა, ვინ იქნება მომდევნო მოწვევის პარლამენტის სავარაუდო წევრი

პარტია „ქართული ოცნების“ გენერალური მდივანი, თბილისის მერი კახა კალაძე გავრცელებულ ინფორმაციას, რომ მომდევნო მოწვევის პარლამენტის თავმჯდომარე შესაძლოა, თეა წულუკიანი იყოს, არასწორს უწოდებს. მისი თქმით, პარტიაში თანამდებობების გადანაწილება არ მიმდინარეობს.

ამასთან, კალაძის ინფორმაციით, „ქართულ ოცნებას“ უკვე დაწყებული აქვს შემდეგი მოწვევის პარლამენტის სავარაუდო წევრთა შერჩევა.

„ეს არის არასწორი ინფორმაცია. თანამდებობების გადანაწილება არ მიმდინარეობს. ჩვენთვის მთავარია საზოგადოებას შევთავაზოთ მომავლის სწორი ხედვა, როგორი იქნება ქვეყნის განვითარების გეგმა, რა პროექტები იქნება განხორციელებული. ამ მიმართულებით მიმდინარეობს მუშაობა. ასევე, დაწყებულია შერჩევა, ვინ იქნება მომდევნო მოწვევის პარლამენტის სავარაუდო წევრი, ზოგი მაჟორიტარი, ზოგი სიით. როდესაც უკვე არჩევნები ჩატარდება და „ქართული ოცნება“ ხალხის მხარდაჭერით გაიმარჯვებს, უკვე მერე გადაწყდება, ვინ რა მიმართულებით გააგრძელებს მუშაობას,“ - განაცხადა კახა კალაძემ.

ჟურნალისტების კითხვას ოქტომბერში საპარლამენტო არჩევნების დროს გიორგი გახარია კვლავ პრემიერ-მინისტრი იქნება თუ არა, კალაძემ არ უპასუხა.

გიორგი გახარია არის ერთ-ერთი საუკეთესო პრემიერ-მინისტრი. მან კონკრეტულ შემთხვევებში კიდევ ერთხელ აჩვენა საზოგადოებას, რამდენად დიდია მისი ჩართულობა ყოველდღიურ მენეჯმენტში. ეს დაგვანახა თუნდაც პანდემიასთან ბრძოლამ. საქართველო არის ერთ-ერთი მოწინავე ქვეყანა და ეს რა თქმა უნდა, ხალხთან ერთად, არის ხელისუფლების დამსახურება“, - განაცხადა კალაძემ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო