ავტობანის მშენებლობაზე დასაქმებულები კომპანია „აკორდისგან" კუთვნილი ხელფასის მიღებას მოითხოვენ. მათი თქმით, პანდემიის პირობებში ცუდ ამინდებში მუშაობდნენ და სამი თვეა ხელფასი არ მიუღიათ. მათ სამუშაობაზე უარი თქვეს, რადგან როგორც აცხადებენ, კომპანიის წარმომადგენლები დაპირებებით ცდილობენ მათ შეჩერებას. დასაქმებულები ხელისუფლებას დახმარებას თხოვენ. მათი თქმით, ცენტრალურ მაგისტრალზე მიმდინარე სამუშაოებზე მუშაობენ და კომპანიისთვის მათი დავალიანების გადახდა პრობლემა არ უნდა იყოს.

კომპანია „აკორდის" წარმომადგენლის, ელბრუს მამედოვის ინფორმაციით კი, მან არ იცის, ვინ არიან ეს ადამიანები და ნამდვილად მუშაობდნენ თუ არა მათთან. კომპანიის წარმომადგენლის თქმით, ადამიანები, რომლებიც ანაზღაურებას მოითხოვენ, ხელშეკრულებები უნდა წარმოადგინონ. ამასთან აცხადებს, რომ კომპანიას ხელფასის გაცემაზე პრობლემა არასდროს ქონია.