გერმანიის მთავრობა - რუსეთი „დიდი შვიდეულიდან“ ყირიმის ანექსიის გამო გაირიცხა და მისი კლუბში დაბრუნების საფუძველი არ არსებობს

რუსეთი „დიდი შვიდეულიდან“ ყირიმის ანექსიის გამო გაირიცხა და ახლა მისი კლუბში დაბრუნების საფუძველი არ არსებობს. ამის შესახებ გერმანიის მთავრობის ოფიციალურმა წარმომადგენელმა შტეფენ ზაიბერტმა განაცხადა.

„სპეციალურად რუსეთთან მიმართებით 2014 წლიდან მოქმედებს გადაწყვეტილება, რომ მაშინდელი ფორმატის - „დიდი რვიანის“ შეხვედრები ტარდება „დიდი შვიდეულის“ ფორმატში და ამ გადაწყვეტილების საფუძველი ნარჩუნდება, ვინაიდან, ის მიღებულია ყირიმის ანექსიის გამო, რაც ეწინააღმდეგება საერთაშორისო სამართალს და ის ახლაც გრძელდება“ , - განაცხადა ზაიბერტმა.

მისი თქმით, რუსეთის ხელთ არის შესაძლებლობა, რომ დაასრულოს ეს ვითარება.

ამავდროულად, ზაიბერტმა განაცხადა, რომ სამიტის თარიღთან და სტუმრებთან დაკაშირებული გადაწყვეტილების მიღების საკითხი „დიდი შვიდეულის“ თავმჯდომარე ქვეყნის კომპეტენციაშია, რომელსაც ახლა ამერიკის შეერთებული შტატები წარმოადგენს.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით